ಆರಂಭದಲ್ಲಿ ಕೊಹ್ಲಿ ಜೋಡಿ ಲಂಡನ್‌ಗೆ ಹೋದಾಗ ಅಭಿಮಾನಿಗಳು ಅವರು ಕೇವಲ ಪ್ರವಾಸಕ್ಕೆ ಹೋಗುತ್ತಿದ್ದಾರೆ ಎಂದು ಭಾವಿಸಿದ್ದರು. ಆದರೆ, ಈ ಸ್ಟಾರ್‌ ದಂಪತಿಗಳು ಮುಂದಿನ ದಿನಗಳಲ್ಲಿ ಲಂಡನ್‌ನಲ್ಲಿಯೇ ಇರಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಭಾರತ ತೊರೆಯಲು ಕಾರಣ ಏನೆಂದು ಇದೀಗ ರಿವೀಲ್‌ ಆಗಿದೆ.

ಬೆಂಗಳೂರು: ಕ್ರಿಕೆಟ್ ಜಗತ್ತಿನ ಅತ್ಯಂತ ಜನಪ್ರಿಯ ದಂಪತಿಗಳಲ್ಲಿ ಒಬ್ಬರಾದ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಜೋಡಿ ಬಗ್ಗೆ ತಿಳಿದುಕೊಳ್ಳಲು ಅಭಿಮಾನಿಗಳು ಎಂದಿಗೂ ಕಾತುರರಾಗಿರುತ್ತಾರೆ. ಅಲ್ಲದೇ ಈ ಜೋಡಿ ಲಕ್ಷಾಂತರ ಅಭಿಮಾನಿಗಳನ್ನು ಹೊಂದಿದ್ದಾರೆ . ಅವರಿಬ್ಬರನ್ನೂ ಒಟ್ಟಿಗೆ ನೋಡಲು ಜನರು ಕಾತುರದಿಂದ ಕಾಯುತ್ತಿರುತ್ತಾರೆ. ಅನುಷ್ಕಾ ಮತ್ತು ವಿರಾಟ್ ಕಳೆದ ವರ್ಷದಿಂದ ಲಂಡನ್‌ಗೆ ಸ್ಥಳಾಂತರಗೊಂಡಿದ್ದಾರೆ. ಆರಂಭದಲ್ಲಿ ಕೊಹ್ಲಿ ಜೋಡಿ ಲಂಡನ್‌ಗೆ ಹೋದಾಗ ಅಭಿಮಾನಿಗಳು ಅವರು ಕೇವಲ ಪ್ರವಾಸಕ್ಕೆ ಹೋಗುತ್ತಿದ್ದಾರೆ ಎಂದು ಭಾವಿಸಿದ್ದರು. ಆದರೆ, ಈ ಸ್ಟಾರ್‌ ದಂಪತಿಗಳು ಮುಂದಿನ ದಿನಗಳಲ್ಲಿ ಲಂಡನ್‌ನಲ್ಲಿಯೇ ಇರಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಭಾರತ ತೊರೆಯಲು ಕಾರಣ ಏನೆಂದು ಇದೀಗ ರಿವೀಲ್‌ ಆಗಿದೆ.

ಕೊಹ್ಲಿ ಜೋಡಿ ಭಾರತ ತೊರೆಯಲು ಕಾರಣವೇನು?

ಹೌದು, ಕೊಹ್ಲಿ ಮತ್ತು ಅನುಷ್ಕಾ ಶರ್ಮಾ ಜೋಡಿ ಲಂಡನ್‌ಗೆ ಸ್ಥಳಾಂತರಗೊಳ್ಳಲು ಈವರೆಗೂ ಯಾವುದೇ ನಿಖರ ಕಾರಣ ತಿಳಿದುಬಂದಿರಲಿಲ್ಲ. ಆದರೆ ಈಗ ಮಾಧುರಿ ದೀಕ್ಷಿತ್ ಅವರ ಪತಿ ಡಾ. ಶ್ರೀರಾಮ್ ನೆನೆ ಕೊಹ್ಲಿ ಜೋಡಿ ಭಾರತದಿಂದ ದೂರ ಹೋಗಲು ಕಾರಣವನ್ನು ಬಹಿರಂಗಪಡಿಸಿದ್ದಾರೆ. ಕಳೆದ ವರ್ಷ ಅನುಷ್ಕಾ ಶರ್ಮಾ ಲಂಡನ್‌ಗೆ ಹೋಗಲು ಯೋಜಿಸುತ್ತಿದ್ದಾಗ ನಾನು ಅವರನ್ನು ಭೇಟಿಯಾದೆ ಎಂದು ಡಾ. ಶ್ರೀರಾಮ್ ನೆನೆ ಹೇಳಿದ್ದಾರೆ. ಈ ವೇಳೆ ಸ್ಟಾರ್ ಜೋಡಿ ಈ ವೇಳೆ ಭಾರತ ತೊರೆಯುತ್ತಿರುವ ಬಗ್ಗೆ ಕಾರಣ ತಿಳಿಸಿದ್ದರು ಎಂದಿದ್ದು, ಈ ಜೋಡಿಗೆ ಭಾರತದಲ್ಲಿರುವ ಖ್ಯಾತಿಯಿಂದ ಈಗ ತೊಂದರೆಗೊಳಗಾಗಿದ್ದವು ಎಂದು ಅವರು ನಂಬಿದ್ದರು. ಹೀಗಾಗಿ ಜೋಡಿಗೆ ತನ್ನ ಯಶಸ್ಸನ್ನು ಸಂಪೂರ್ಣವಾಗಿ ಆನಂದಿಸಲು ಸಾಧ್ಯವಾಗುತ್ತಿರಲಿಲ್ಲ. ಅವರು ಏನೇ ಮಾಡಿದರೂ ಅದು ಸಾರ್ವಜನಿಕರ ಗಮನಕ್ಕೆ ಬರುತ್ತಿತ್ತು. ಅನುಷ್ಕಾ-ವಿರಾಟ್ ತಮ್ಮ ಮಕ್ಕಳನ್ನು ಈ ಗ್ಲಾಮರಸ್ ಪ್ರಪಂಚದಿಂದ ದೂರವಿಡಲು ಬಯಸಿದ ಕಾರಣ ಈ ಜೋಡಿ ಲಂಡನ್‌ಗೆ ಶಿಫ್ಟ್ ಆಗಲು ಪ್ಲ್ಯಾನ್‌ ಮಾಡಿದರು ಎಂದು ಹೇಳಿದ್ದಾರೆ.

ಮಕ್ಕಳಿಗಾಗಿ ಲಂಡನ್‌ನತ್ತ ಮುಖ ಮಾಡಿದ ಜೋಡಿ:

ಇದು ತುಂಬಾ ಕಷ್ಟ ಎಂದು ನಮಗೆ ಅರ್ಥವಾಗಿದೆ. ಇದು ನನಗೂ ಸಹ ಹಲವು ಬಾರಿ ಸಂಭವಿಸಿದೆ ಎಂದು ಶ್ರೀರಾಮ್ ನೆನೆ ಹೇಳಿದರು. ಜನರು ಸೆಲ್ಫಿ ತೆಗೆದುಕೊಳ್ಳಲು ಮುಗಿಬೀಳುತ್ತಾರೆ. ಆದರೆ ನಾವು ಅದನ್ನು ಸರಳವಾಗಿ ಇಟ್ಟುಕೊಳ್ಳಬೇಕು ಎಂದು ಹೇಳಿದರು. ಇನ್ನು, ಕೊಹ್ಲಿ ಜೋಡಿ ತಮ್ಮ ಇಬ್ಬರು ಮಕ್ಕಳನ್ನು ಈ ಗ್ಲಾಮರ್ ಪ್ರಪಂಚದಿಂದ ಊರವಿಡುವ ಗುರಿಯನ್ನು ಹೊಂದಿದ್ದಾರೆ ಮತ್ತು ಅವರಿಗೆ ಉತ್ತಮ ಜೀವನವನ್ನು ನೀಡಲು ಪ್ರಯತ್ನಿಸುತ್ತಿದ್ದಾರೆ ಎಂದು ಹೇಳಿದರು. ಅನುಷ್ಕಾ ಮತ್ತು ವಿರಾಟ್ ತಮ್ಮ ಮಕ್ಕಳಿಗಾಗಿ ಲಂಡನ್‌ಗೆ ಹೋಗಲು ನಿರ್ಧರಿಸಿದ್ದಾರೆ ಎಂದು ಹೇಳಿದ್ದಾರೆ.

ಅನುಷ್ಕಾ-ವಿರಾಟ್ ಜೋಡಿ:

ಇನ್ನು, ವಿರಾಟ್ ಮತ್ತು ಅನುಷ್ಕಾ ಡಿಸೆಂಬರ್ 2017ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಬಳಿಕ 2021ರಲ್ಲಿ ಮೊದಲ ಮಗು ಜನನವಾಯಿತು. ಮೊದಲ ಮಗುವಿಗೆ ವಾಮಿಕಾ ಎಂದು ಹೆಸರಿಟ್ಟಿದ್ದಾರೆ. ಕಳೆದ ವರ್ಷ ಅಕಾಯ್ ಗಂಡು ಮಗುವಿಗೆ ಪೋಷಕರಾದರು. ಆದರೆ ಈ ಸ್ಟಾರ್‌ ಜೋಡಿ ತಮ್ಮ ಮಕ್ಕಳನ್ನು ಮಾಧ್ಯಮದಿಂದ ದೂರ ಇಟ್ಟಿದ್ದಾರೆ. ಕಳೆದ ವರ್ಷ, ವರದಿಗಳ ಪ್ರಕಾರ, ಸ್ಟಾರ್ ದಂಪತಿಗಳು ತಮ್ಮ ಗೌಪ್ಯತೆಯನ್ನು ಕಾಪಾಡಿಕೊಳ್ಳಲು ತಮ್ಮ ಮಕ್ಕಳಿಗೆ ಸಾಮಾನ್ಯ ಜೀವನವನ್ನು ನೀಡಲು ಶಾಶ್ವತವಾಗಿ ಯುಕೆಗೆ ತೆರಳಲು ಯೋಜಿಸುತ್ತಿದ್ದಾರೆ ಎನ್ನಲಾಗುತ್ತಿದೆ.

ಇದನ್ನು ಓದಿ: