ಮನೆಯಲ್ಲಿಯೇ ಸರಳ ಸುಂದರ ಮೇಕಪ್​ ಮಾಡಿಕೊಳ್ಳುವ ಮುನ್ನ ಮೊದಲ ಪ್ರಯತ್ನದಲ್ಲಿ ಕೆಲವೊಮ್ಮೆ ತಪ್ಪಾಗುವುದು ಸಹಜ. ಆದರೆ, ಈ ತಪ್ಪುಗಳನ್ನು ಸರಿದೂಗಿಸಿ ಹೇಗೆ ನಿಮ್ಮ ಅಂದವನ್ನು ಹೆಚ್ಚಿಸಬಹುದು ಎಂಬ ಸರಳ ಮೇಕಪ್​ ವಿಧಾನ ಇಲ್ಲಿದೆ.

ಅಂದವಾಗಿ ಕಾಣಬೇಕು ಎಂದು ಯಾರಿಗೆ ಇಷ್ಟವಿಲ್ಲ ಹೇಳಿ. ಅದರಲ್ಲೂ ಹೆಂಗಳೆಯರಿಗೆ ಮೇಕಪ್ (Make up)​ ಮೇಲಿನ ಆಸಕ್ತಿ ಕೊಂಚ ಅಪಾರ ಎಂದರು ತಪ್ಪಾಗಲಾರದು. ಅದರಲ್ಲೂ ಮದುವೆ, ಸಮಾರಂಭ, ಇನ್ನಿತರ ಕಾರ್ಯಕ್ರಮಗಳಲ್ಲಿ ತಮ್ಮ ಅಂದವನ್ನು ಇನ್ನಷ್ಟು ಇಮ್ಮಡಿಗೊಳಿಸಬೇಕು ಎಂದು ಕಾಯುತ್ತಿರುತ್ತಾರೆ. ವಯಸ್ಸಿನ ಭೇದ ಮರೆತು ಎಲ್ಲರನ್ನು ತಮ್ಮತ್ತ ಆಕರ್ಷಿಸಲು ಇನ್ನಿಲ್ಲದ ಕಸರತ್ತು ಮಾಡುತ್ತಾರೆ. ಕೆಲವರಂತೂ ಬ್ಯೂಟಿ ಪಾರ್ಲರ್​ (beauty parlous) ಹೊಕ್ಕು ಗಂಟೆ ಗಟ್ಟಲೇ ಕಾಲ ವ್ಯಯಮಾಡುತ್ತಾರೆ. ಆದರೆ, ಈ ಸುಂದರ ಮೇಕಪ್​ ಅನ್ನು ಮನೆಯಲ್ಲಿಯೇ ಮಾಡಿಕೊಳ್ಳಬಹುದು. ಆದರೆ, ಈ ವಿಧಾನ ತಿಳಿದಿರುವುದು ಅವಶ್ಯ.

ಈಗಂತೂ ಎಲ್ಲಾ ಮೇಕಪ್​ ಸಾಮಾನುಗಳು ನಮಗೆ ಲಭ್ಯವಿದೆ. ಹತ್ತಾರು ಕಂಪನಿಯ ವಿವಿಧ ಗುಣಮಟ್ಟದ ಮೇಕಪ್ ಸಾಮಾನು​ಗಳು ಮಾರುಕಟ್ಟೆಯಲ್ಲಿ ಸಿಗುತ್ತವೆ. ಆದರೆ, ಈ ಮೇಕಪ್​ ಸಾಮಾನುಗಳ ಬಳಕೆಯನ್ನು ತಿಳಿಯದೇ ಅನೇಕರು ಒದ್ದಾಡುತ್ತಾರೆ. ಇದಕ್ಕಾಗಿ ಬೇರೆಯವರ ಮೊರೆ ಹೋಗುತ್ತಾರೆ. ಈ ಹಿನ್ನಲೆ ಮೇಕಪ್​ ಮಾಡಿಕೊಳ್ಳುವ ವಿಧಾನದ ತಿಳಿಯುವುದು ಅವಶ್ಯ.

ಕಲಿಯುವವರೆಗೂ ಬ್ರಹ್ಮ ವಿದ್ಯೆ ಕಲಿತ ಮೇಲೆ ಕೋತಿ ವಿದ್ಯೆ ಎಂಬಂತೆ ಮೇಕಪ್​ ವಿಧಾನ ತಿಳಿಯುವವರೆಗೂ ಕಷ್ಟ. ಒಮ್ಮೆ ಈ ವಿಧಾನ ಕರಗತವಾದರೆ, ಸ್ವಂತ ಮೇಕಪ್​ ಮಾಡಿಕೊಳ್ಳುವುದು ಸುಲಭವಾಗುತ್ತದೆ. ಎಷ್ಟೇ ವಯಸ್ಸಾದ್ರೂ ಯಂಗ್​ ಆಗಿ ಕಾಣಬೇಕಾ? ಹಾಗಾದ್ರೆ ಈ ಟಿಪ್ಸ್​ ಫಾಲೋ ಮಾಡಿ. ವಯಸ್ಸಿಗೂ ಮದ್ದು ಕಂಡು ಹಿಡಿದ್ರಂತೆ ಚೀನಾ ವಿಜ್ಞಾನಿಗಳು! ಇನ್ನು ಮನುಷ್ಯನಿಗೆ ಸಿಗುತ್ತಾ ಚಿರಯೌವನ?

ಲಕಲಕನೆ ನಿಮ್ಮ ಮುಖ ಹೊಳೆಯಬೇಕಾ? ಹಾಗಾದ್ರೆ ಈ ಟಿಪ್ಸ್​ ಫಾಲೋ ಮಾಡಿ

ಸರಳ ಮೇಕಪ್​ ವಿಧಾನ:

ಮೇಕಪ್​ನ ಪ್ರಮುಖ ಅಂಶ ಎಂದರೆ, ಎಲ್ಲೂ ದೋಷ ಕಂಡು ಬರದಂತೆ ಅಂದವಾಗಿ ಅಲಂಕಾರಗೊಳ್ಳುವುದು. ಜೊತೆಗೆ ನಿಮ್ಮ ತ್ವಚೆಯ ಗುಣಮಟ್ಟ ಕಾಪಾಡಿ, ದೀರ್ಘಕಾಲದವರೆಗೆ ಆ ಮೇಕಪ್​ ಇರುವಂತೆ ನೋಡಿಕೊಳ್ಳುವುದು. ಮೇಕಪ್​ಗೆ ಮೊದಲು ಪ್ರತಿಬಾರಿಯು ನಿಮ್ಮ ಮುಖಕ್ಕೆ ಮಾಯಿಶ್ಚರೈಸರ್​ ಹಚ್ಚಿ. ಬಿಬಿ ಕ್ರೀಮ್​ ಮಾಯಿಶ್ಚರೈಸರ್ ಬಳಕೆ ಉತ್ತಮ ಬಳಿಕ ಅದರ ಮೇಲೆ ಕೊಂಚ ಕನ್ಸಿಲರ್​ ಬಳಕೆ ಮಾಡಿ. ಅದನ್ನು ಮುಖದ ಮೇಲೆ ಚೆನ್ನಾಗಿ ಬ್ಲೇಡ್​ ಮಾಡಿ. ಈ ಮೂಲಕ ನಿಮ್ಮ ಮುಖದಲ್ಲಿನ ಕಲೆಗಳು ಮರೆಯಾಗುತ್ತವೆ.

ಬಳಿಕ ನಿಮ್ಮ ಚರ್ಮದ ಬಣ್ಣ ಅನುಸರವಾಗಿ ಕ್ರೀಮ್​ ಆಧಾರಿತ ಬ್ಲಾಶ್​ ಬಳಸಿ. ಕೆನ್ನೆ, ಮೂಗಿನ ಮೇಲೆ ಹೆಚ್ಚಿನ ಬ್ಲಶ್​ ಮಾಡುವ ಮೂಲಕ ಹೊಳಪು ಕಾಯ್ದುಕೊಳ್ಳಬಹುದು. ನಂತರ ಕಣ್ಣಿನ ಅಂದ ಹೆಚ್ಚಿಸಿ, ಕಣ್ಣಿಗೆ ಅಂತವಾಗಿ ಸ್ಮೂಕಿ ಲುಕ್​ ನೀಡಿ. ರಾತ್ರಿ ಸಮಾರಂಭವಾದರೆ ನೀಲಿ ಅಥವಾ ಗ್ರೇ ಬಳಕೆ ಉತ್ತಮ.

ಮಸ್ಕರ ಹಚ್ಚದೇ ನಿಮ್ಮ ಮೇಕಪ್​ ಪೂರ್ಣಗೊಳಸಬೇಡಿ. ನಿಮ್ಮ ಕಣ್ಣು ರೆಪ್ಪೆ ಸೌಂದರ್ಯವನ್ನು ಹೆಚ್ಚಿಸುವುದರಿಂದ ಅದಕ್ಕೆ ಮಸ್ಕರ ತಪ್ಪದೇ ಹಾಕಿ. ಎಲ್ಲಾ ಮೇಕಪ್​​ ಮುಗಿದ ಮೇಲೆ ಏನೋ ಕೊರತೆ ಇದೆ ಎನ್ನಿಸುವುದು ಸಹಜ. ಅದೇ ನಿಮ್ಮ ತುಂಟಿಯ ರಂಗು. ಲಿಪ್​ಸ್ಟಿಕ್​ಗಳನ್ನು ಕೂಡ ದೀರ್ಘ ಸಮಯದವರೆಗೆ ಇರುವಂತಹವ ನಿಮ್ಮ ಮೆಚ್ಚಿನ ಬಣ್ಣದ ತುಂಟಿಯ ರಂಗು ಆಯ್ಕೆ ಮಾಡಿ ಬಳಸಿ.

ಲಿಪ್​ಸ್ಟಿಕ್​ ಬಳಕೆಗೆ ಮುನ್ನ ಮತ್ತು ನಂತರ ಕೂಡ ಲಿಪ್​ ಬಾಮ್​ ಹಚ್ಚಿ ಇದರಿಂದ ತುಟಿಯ ತ್ವಚೆಗೆ ಕೂಡ ಉತ್ತಮ ಇನ್ನು ಉಬ್ಬುಗಳಿಗೆ ಹೆಚ್ಚಿನ ನಿಗಾ ಕೊಡಿ, ಅದಕ್ಕೆಂದೆ ಪುಟ್ಟ ಪುಟ್ಟ ಬ್ರಶ್​ಗಳು ಮಾರುಕಟ್ಟೆಯಲ್ಲಿ ಲಭ್ಯವಾಗಿದ್ದು, ಅವುಗಳ ಮೂಲಕ ಬಾಚಿ ಇದರಿಂದ ಅವು ಇನ್ನಷ್ಟು ಲುಕ್​ ನೀಡುತ್ತವೆ. ಯಾವುದೇ ಮೇಕಪ್​ಗೂ ಕೂಡ ಕೊಂಚ ಪ್ರಯತ್ನಬೇಕು ಎಂಬುದನ್ನು ಎಂದು ಮರೆಯಬಾರದು.