15ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ರನ್‌ ಓಡಿದ ಬಳಿಕ ಸ್ಟ್ರೈಕರ್‌ನ ಕೊನೆಗೆ ಬಂದ ಕೊಹ್ಲಿ ಅದೇನೋ ಕಷ್ಟಪಡುತ್ತಿರುವಂತೆ ಕಂಡುಬಂತು. ಈ ಓವರ್‌ನಲ್ಲಿ ವನಿಂದು ಹಸರಂಗ ಬೌಲಿಂಗ್‌ ಮಾಡುತ್ತಿದ್ದರು. ಬಳಿಕ ಎದೆ ಹಿಡಿದುಕೊಂಡೇ ಸಂಜು ಬಳಿ ಹೋದ ಕೊಹ್ಲಿ ನೋಡುವಂತೆ ಹೇಳಿದರು. ತಕ್ಷಣವೇ ಸಂಜು ಗ್ಲೌಸ್‌ ತೆಗೆದು ಪರೀಕ್ಷಿಸಿದರು.

ಬೆಂಗಳೂರು: ವಿರಾಟ್‌ ಕೊಹ್ಲಿ (Virat Kohli) ಮೈದಾನದಲ್ಲಿ ಯಾವಾಗಲೂ ಸೂಪರ್‌ ಆಕ್ಟಿವ್‌ ಆಗಿ ಇರುತ್ತಾರೆ. ಅವರ ಚುರುಕುತನ ಜಾಸ್ತಿ ಎನ್ನಿಸುವಷ್ಟು ಕಾಣುತ್ತಿರುತ್ತದೆ. ವಿಕೆಟ್‌ ಬಿದ್ದಾಗ, ತಾವು ಸ್ವತಃ ಹಾಫ್‌ ಸೆಂಚುರಿ, ಸೆಂಚುರಿ ಬಾರಿಸಿದಾಗ ಖುಷಿ ಪಡುವುದು, ಸಹ ಆಟಗಾರರೊಂದಿಗೆ ಫನ್‌ ಮಾಡುವುದು, ಡ್ಯಾನ್ಸ್‌ ಮಾಡುವುದು-ಇವೆಲ್ಲ ವಿರಾಟ್‌ ಕೊಹ್ಲಿಯ ಸಾಮಾನ್ಯ ವರ್ತನೆಗಳು.
ಆದರೆ ಇಂದು ರಾಜಸ್ಥಾನ ರಾಯಲ್ಸ್‌ ವಿರುದ್ಧದ ಪಂದ್ಯದಲ್ಲಿ ಕೊಹ್ಲಿ ವಿಭಿನ್ನವಾಗಿ ವರ್ತಿಸಿದರು ಮತ್ತು ಇದು ಅವರ ಅಭಿಮಾನಿಗಳ ಆತಂಕಕ್ಕೆ ಕಾರಣವಾಗಿದೆ!
ಇಂದು ಜೈಪುರದ ಸವಾಯಿ ಮಾನ್ಸಿಂಗ್ ಕ್ರೀಡಾಂಗಣದಲ್ಲಿ ರಾಜಸ್ಥಾನ ರಾಯಲ್‌ ಚಾಲೆಂಜರ್ಸ್‌ ಮತ್ತು ರಾಜಸ್ಥಾನ ರಾಯಲ್ಸ್‌ ನಡುವೆ ಪಂದ್ಯ ನಡೆದಿತ್ತು.
ಆರ್‌ಸಿಬಿ ಟಾಸ್‌ ಗೆದ್ದು, ಮೊದಲು ಬೌಲಿಂಗ್‌ ಆಯ್ಕೆ ಮಾಡಿಕೊಂಡಿತು. ರಾಜಸ್ಥಾನ ರಾಯಲ್ಸ್‌ ಪರ ಯಶಸ್ವಿ ಜೈಪಾಲ್‌ 47 ಎಸೆತಗಳಿಗೆ 75 ರನ್‌ ಗಳಿಸಿದರು. ಒಟ್ಟಾರೆ 20 ಓವರ್‌ಗಳಲ್ಲಿ 4 ವಿಕೆಟ್‌ಗಳ ನಷ್ಟಕ್ಕೆ 173 ರನ್‌ಗಳನ್ನ ಗಳಿಸಲು ಸಾಧ್ಯವಾಯಿತು. ಇನ್ನು ಆರ್‌ಸಿಬಿ ಈ ಗುರಿಯನ್ನ ಈಸಿಯಾಗಿ ತಲುಪಿದೆ.
ಫಿಲ್‌ ಸಾಲ್ಟ್‌ ಮತ್ತು ಕೊಹ್ಲಿ ಆರಂಭಿಕ ಬ್ಯಾಟ್ಸ್‌ಮನ್‌ಗಳಾಗಿ ಬಂದರು. ಸಾಲ್ಟ್‌ 33 ಎಸೆತಗಳಲ್ಲಿ 63 ರನ್‌ ಗಳಿಸಿದರೆ, ವಿರಾಟ್‌ ಕೊಹ್ಲಿ 45 ಎಸೆತಗಳಲ್ಲಿ, 62 ರನ್‌ ಗಳಿಸಿ ಅಜೇಯರಾಗಿ ಉಳಿದರು.
ಆದರೆ ಈ ಮಧ್ಯೆ ವಿರಾಟ್‌ ಕೊಹ್ಲಿ ಮಾಡಿದ ಒಂದು ಕೆಲಸ ಅಭಿಮಾನಿಗಳಿಗೆ ಆತಂಕ ಮೂಡಿಸಿದೆ. 54 ರನ್‌ ಗಳಿಸಿದ್ದಾಗ ವಿರಾಟ್‌ ಕೊಹ್ಲಿಗೆ ಅದೇನೋ ಅನ್‌ಕಂಫರ್ಟ್‌ ಆಗಿದೆ. ಅವರು ಆರ್‌ಆರ್‌ ಕ್ಯಾಪ್ಟನ್‌ ಮತ್ತು ವಿಕೆಟ್‌ ಕೀಪರ್‌ ಆಗಿರುವ ಸಂಜು ಸಾಮ್ಸನ್‌ ಬಳಿ ಹೋಗಿ ತಮ್ಮ ಹೃದಯ ಬಡಿತವನ್ನ (Heart Beat) ಚೆಕ್‌ ಮಾಡುವಂತೆ ಹೇಳಿದ್ದಾರೆ.
ತಮ್ಮ ಎದೆ ಹಿಡಿದುಕೊಂಡು ಸಂಜು ಬಳಿ ಹೋದ ಕೊಹ್ಲಿ, ಹಾರ್ಟ್‌ಬೀಟ್‌ ಚೆಕ್‌ ಮಾಡುವಂತೆ ಕೇಳಿದರು. ಆಗ ಸಂಜು ಕೂಡ ಕೈಯಿಗೆ ಹಾಕಿದ್ದ ಗ್ಲೌಸ್‌ ತೆಗೆದು, ಕೊಹ್ಲಿ ಎದೆ ಮೇಲೆ ಕೈಯಿಟ್ಟು ಪರೀಕ್ಷಿಸಿದರು. ಬಳಿಕ ಕೊಹ್ಲಿ ತಮಗೆ ಏನೂ ಆಗಿಲ್ಲವೆಂಬಂತೆ ಯಾರಿಗೋ ಕೈ ಸನ್ನೆ ಮಾಡಿದರು. ಆದರೆ ವಿಡಿಯೊ ವೈರಲ್‌ ಆಗುತ್ತಿದ್ದಂತೆ ಅಭಿಮಾನಿಗಳು ತೀವ್ರ ಆತಂಕ ವ್ಯಕ್ತಪಡಿಸಿದ್ದಾರೆ. ಕೊಹ್ಲಿ ಹೀಗ್ಯಾಕೆ ಮಾಡಿದರು? ಅವರಿಗೆ ಏನಾಯಿತು? ಎಂಬ ಪ್ರಶ್ನೆಗಳು ಎದ್ದಿವೆ.
15ನೇ ಓವರ್‌ನ ನಾಲ್ಕನೇ ಎಸೆತದಲ್ಲಿ ರನ್‌ ಓಡಿದ ಬಳಿಕ ಸ್ಟ್ರೈಕರ್‌ನ ಕೊನೆಗೆ ಬಂದ ಕೊಹ್ಲಿ ಅದೇನೋ ಕಷ್ಟಪಡುತ್ತಿರುವಂತೆ ಕಂಡುಬಂತು. ಈ ಓವರ್‌ನಲ್ಲಿ ವನಿಂದು ಹಸರಂಗ ಬೌಲಿಂಗ್‌ ಮಾಡುತ್ತಿದ್ದರು. ಬಳಿಕ ಎದೆ ಹಿಡಿದುಕೊಂಡೇ ಸಂಜು ಬಳಿ ಹೋದ ಕೊಹ್ಲಿ ನೋಡುವಂತೆ ಹೇಳಿದರು. ತಕ್ಷಣವೇ ಸಂಜು ಗ್ಲೌಸ್‌ ತೆಗೆದು ಪರೀಕ್ಷಿಸಿದರು.

ಇದನ್ನು ಓದಿ: