ಹೈಲೈಟ್ಸ್‌:

  • ಪಾಕಿಸ್ತಾನ ತಂಡದ ಪ್ರದರ್ಶನ ಸುಧಾರಿಸಲು ಮಹತ್ವದ ಸಲಹೆ ಪಡೆದಿರುವ ಓಪನರ್‌.
  • ಕೊಹ್ಲಿ ಮತ್ತು ಐಯಾನ್ ಮಾರ್ಗನ್‌ ಬಳಿಕ ಚರ್ಚೆ ಮಾಡಿರುವ ಇಮಾಮ್ ಉಲ್ ಹಕ್.
  • ಟೀಮ್ ಇಂಡಿಯಾದ ಸ್ಥಿರ ಪ್ರದರ್ಶನವನ್ನು ಶ್ಲಾಘಿಸಿದಿ ಪಾಕಿಸ್ತಾನದ ಯುವ ಆಟಗಾರ.

ಹೊಸದಿಲ್ಲಿ: ಪಾಕಿಸ್ತಾನ ತಂಡದ ಪ್ರಮುಖ ಸದಸ್ಯನಾಗಿರುವ ಯುವ ಎಡಗೈ ಆರಂಭಿಕ ಬ್ಯಾಟ್ಸ್‌ಮನ್‌ ಇಮಾಮ್ ಉಲ್‌ ಹಕ್‌, ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲಿ ಪಾಕ್‌ ತಂಡ ಸ್ಥಿರ ಪ್ರದರ್ಶನ ನೀಡಬೇಕು ಎಂಬ ಕನಸು ಕಟ್ಟಿದ್ದಾರೆ.

ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಟೀಮ್ ಇಂಡಿಯಾ ಮತ್ತು ಇಂಗ್ಲೆಂಡ್‌ ತಂಡಗಳು ನೀಡುತ್ತಿರುವ ಸ್ಥಿರ ಪ್ರದರ್ಶನಗಳಿಂದ ಸ್ಫೂರ್ತಿ ಪಡೆದು ಪಾಕಿಸ್ತಾನ ಕೂಡ ಬಲಿಷ್ಠ ಆಟವಾಡುವ ಅಗತ್ಯವಿದೆ ಎಂದು ಇಮಾಮ್‌ ಉಲ್ ಹಕ್ ಇತ್ತೀಚಿನ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ಪಾಕಿಸ್ತಾನ ತಂಡ ಯುವ ಆಟಗಾರರನ್ನು ಪ್ರೋತ್ಸಾಹಿಸಿ ಬೆಂಬಲಿಸುವ ಕೆಲಸ ಮಾಡುತ್ತಿಲ್ಲ ಎಂಬ ಅಸಮಾಧಾನವನ್ನೂ ಇಮಾಮ್‌ ಹೊರಹಾಕಿದ್ದಾರೆ.

90ರ ದಶಕ ಮತ್ತು 2000ದ ದಶಕದ ಆರಂಭದಲ್ಲಿ ಪಾಕಿಸ್ತಾನ ಯುವ ಮತ್ತು ಅನುಭವಿ ಆಟಗಾರರ ಉತ್ತಮ ಸಮ್ಮಿಶ್ರಣ ಹೊಂದಿದ್ದ ಬಲಿಷ್ಠ ತಂಡವಾಗಿತ್ತು. ಇದೇ ಕಾರಣಕ್ಕೆ ಟೆಸ್ಟ್ ಮತ್ತು ಏಕದಿನ ಕ್ರಿಕೆಟ್‌ನಲ್ಲಿ ಸ್ಥಿರ ಪ್ರದರ್ಶನ ನೀಡುತ್ತಿದ್ದ ತಂಡಗಳಲ್ಲಿ ಒಂದಾಗಿ ಗುರುತಿಸಿಕೊಂಡಿತ್ತು. ಕೆಳ ಕ್ರಮಾಂಕದವರೆಗೂ ಬ್ಯಾಟಿಂಗ್‌ ಬಲ ಮತ್ತು ಅದ್ಭುತ ವೇಗದ ಬೌಲರ್‌ಗಳನ್ನು ಹೊಂದಿದ್ದ ಪಾಕ್‌ ಪಡೆಯನ್ನು ಅತ್ಯಂತ ಅಪಾಯಕಾರಿ ಎಂದೇ ಪರಿಗಣಿಸಲಾಗಿತ್ತು.

ಲಂಕಾ ಪ್ರವಾಸಕ್ಕೆ ಟೀಮ್ ಇಂಡಿಯಾ ಆಯ್ಕೆಯಲ್ಲಿ 3 ಅತ್ಯುತ್ತಮ ನಿರ್ಧಾರ ತೆಗೆದುಕೊಂಡ ಬಿಸಿಸಿಐ!

ಆದರೆ, ಪಾಕಿಸ್ತಾನ ತಂಡದಲ್ಲಿ ಅಂದಿನ ಖದರ್‌ ಈಗ ಉಳಿದಿಲ್ಲ. ತಂಡಕ್ಕೆ ಪ್ರತಿಭಾನ್ವಿತರನ್ನು ಕರೆತರಲು ಪಾಕ್‌ ವಿಫಲವಾಗಿದೆ ಎಂಬ ಟೀಕೆಗಳನ್ನು ಎದುರಿಸುತ್ತಲೇ ಇದೆ. ಈ ಬಗ್ಗೆ ಮಾತನಾಡಿರುವ ಇಮಾಮ್‌ ಉಲ್‌ ಹಕ್‌ ಭಾರತ ಮತ್ತು ಇಂಗ್ಲೆಂಡ್‌ ತಂಡಗಳ ಪ್ರದರ್ಶನವನ್ನು ಉದಾಹರಣೆ ಕೊಟ್ಟಿದ್ದಾರೆ. ಈ ತಂಡಗಳಲ್ಲಿನ ಮ್ಯಾನೇಜ್ಮೆಂಟ್ ಮತ್ತು ಬೆಂಚ್‌ ಬಲವನ್ನು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.

“ಪಾಕಿಸ್ತಾನ ತಂಡದ ಪ್ರದರ್ಶನ ಸುಧಾರಿಸುವ ಸಲುವಾಗಿ ನಾನು ವಿರಾಟ್‌ ಕೊಹ್ಲಿ ಮತ್ತು ಐಯಾನ್ ಮಾರ್ಗನ್‌ ಬಳಿ ಚರ್ಚೆ ಮಾಡಿದ್ದೇನೆ. ಏಕೆಂದರೆ ಇಂದು ಈ ನಾಯಕರು ವೈಟ್‌ ಬಾಲ್‌ ಕ್ರಿಕೆಟ್‌ನಲ್ಲಿ ಅದ್ಭುತ ಯಶಸ್ಸು ಕಂಡಿದ್ದಾರೆ. ಅವರ ಪ್ರಕಾರ ತಂಡವೊಂದರ ಪ್ರತಿಯೊಬ್ಬ ಆಟಗಾರ ತನ್ನ ಸಾಮರ್ಥ್ಯ ಸಾಬೀತು ಪಡಿಸಲು ಸರ್ವವನ್ನೂ ಪಣಕ್ಕಿಟ್ಟು ಆಡಿದಾಗ ಮಾತ್ರ ಒಂದು ತಂಡವಾಗಿ ಯಶಸ್ಸು ಕಾಣಲು ಸಾಧ್ಯ ಎಂದಿದ್ದಾರೆ. ಪಾಕಿಸ್ತಾನ ತಂಡ ಈ ವಿಚಾರದಲ್ಲಿ ಹಿಂದೆ ಬಿದ್ದಿದೆ ಎಂಬದು ನನ್ನ ಅಭಿಪ್ರಾಯ,” ಎಂದು ‘ಕ್ರಿಕ್‌ಕಾಸ್ಟ್‌’ ಯೂಟ್ಯೂಬ್‌ ಕಾರ್ಯಕ್ರಮದಲ್ಲಿ ಇಮಾಮ್ ಹೇಳಿಕೊಂಡಿದ್ದಾರೆ.

ಹೀಗಾದರೆ WTC ಫೈನಲ್‌ನಲ್ಲಿ ಜಡೇಜಾ ಆಡೋದು ಡೌಟು ಎಂದ ಮಾಜಿ ಸೆಲೆಕ್ಟರ್‌!

“ನಮ್ಮ ತಂಡದಲ್ಲೂ ಅಂಥದ್ದೇ ಸ್ಥಿರತೆ ಕಂಡುಕೊಳ್ಳಲು ಸಾಧ್ಯವಾದರೆ ಖಂಡಿತವಾಗಿಯೂ ಉತ್ತಮ ಫಲಿತಾಂಶ ಕಾಣಲಿದ್ದೇವೆ. ದಕ್ಷಿಣ ಆಫ್ರಿಕಾದಲ್ಲಿ ನಾವು 330 ರನ್‌ ಗುರಿ ಬೆನ್ನತ್ತಿ ಗೆದ್ದಿದ್ದೆವು. ಆ ಸಮಯದಲ್ಲಿ ನಮ್ಮ ತಂಡ ಮುಖ್ಯ ಆಟಗಾರರು ದೀರ್ಘಕಾಲದವರೆಗೆ ತಂಡದಲ್ಲಿ ಉಳಿದುಕೊಂಡಿದ್ದ ಕಾರಣ ಫಲಿತಾಂಶ ದಕ್ಕಿಸಿಕೊಳ್ಳಲು ಸಾಧ್ಯವಾಗಿತ್ತು,” ಎಂದಿದ್ದಾರೆ.

ಐಪಿಎಲ್‌ನಿಂದ ಭಾರತೀಯ ಕ್ರಿಕೆಟ್‌ ಉದ್ಧಾರ
ಇದೇ ವೇಳೆ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಯ ಗುಣಮಟ್ಟದಿಂದಾಗಿ ಇಂದು ಭಾರತ ತಂಡ ಪ್ರದರ್ಶನ ಮಟ್ಟ ಶ್ರೇಷ್ಠತೆ ಪಡೆದುಕೊಂಡಿದೆ ಎಂದು ಇಮಾಮ್‌ ಅಭಿಪ್ರಾಯ ಪಟ್ಟಿದ್ದಾರೆ. ಐಪಿಎಲ್‌ ಮೂಲಕ ರಾಷ್ಟ್ರೀಯ ತಂಡಕ್ಕೆ ಯುವ ಆಟಗಾರರನ್ನು ಕರೆತರುವುದು ಸುಲಭ ಸಾಧ್ಯವಾಗಿದೆ ಎಂದಿದ್ದಾರೆ.

ಶ್ರೀಲಂಕಾ ಪ್ರವಾಸಕ್ಕೆ ಭಾರತ ತಂಡ ಪ್ರಕಟ, ಕರ್ನಾಟಕದ ಮೂವರಿಗೆ ಚಾನ್ಸ್‌!

“ಭಾರತದಲ್ಲಿ ಐಪಿಎಲ್‌ ಟೂರ್ನಿ ಭಾರಿ ಬದಲಾವಣೆ ತಂದಿದೆ. ಐಪಿಎಲ್‌ನಿಂದಾಗಿ ಇಂದು ಭಾರತದ ಬ್ಯಾಟ್ಸ್‌ಮನ್‌ಗಳಿಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಎದುರಿಸುವ ಬೌಲರ್‌ಗಳನ್ನು ಮೊದಲೇ ಎದುರಿಸುವ ಅವಕಾಶ ಸಿಕ್ಕಿದೆ. ಹೀಗಾಗಿ ಮಾನಸಿಕವಾಗಿ ಬಲಿಷ್ಠರಾಗುವುದರಿಂದ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅದೇ ಬೌಲರ್‌ಗಳ ಎದುರು ಭಯಮುಕ್ತ ಆಟವಾಡಲು ಸಾಧ್ಯವಾಗುತ್ತದೆ. ಆದರೆ, ಪಾಕಿಸ್ತಾನ ತಂಡಕ್ಕೆ ದೇಶಿ ಟೂರ್ನಿಗಳಿಂದ ಆಟಗಾರರನ್ನು ಹೆಕ್ಕಿ ತರಲಾಗುತ್ತದೆ. ಇಂತಹ ಆಟಗಾರರು ಅಂತಾರಾಷ್ಟ್ರೀಯ ಮಟ್ಟಕ್ಕೆ ಹೊಂದಿಕೊಳ್ಳಲು ಕಷ್ಟಪಡುತ್ತಾರೆ,” ಎಂದು ಹೇಳಿದ್ದಾರೆ.



Source link

Leave a Reply

Your email address will not be published.