ಹೈಲೈಟ್ಸ್‌:

  • ದಕ್ಷಿಣ ಆಫ್ರಿಕಾ ಎದುರು ಟೆಸ್ಟ್‌ ಕ್ರಿಕೆಟ್‌ ಸರಣಿ ಆಡಲಿರುವ ವೆಸ್ಟ್‌ ಇಂಡೀಸ್‌.
  • ನಾಯಕತ್ವ ಕಳೆದುಕೊಂಡ ಬಗ್ಗೆ ಬೇಸರ ಹೊರಹಾಕಿದ ಜೇಸನ್ ಹೋಲ್ಡರ್‌.
  • ವಿಂಡೀಸ್‌ ಟೆಸ್ಟ್‌ ತಂಡಕ್ಕೆ ಅನುಭವಿ ಬ್ಯಾಟ್ಸ್‌ಮನ್ ಕ್ರೇಗ್ ಬ್ರಾತ್‌ವೇಟ್‌ ನೂತನ ನಾಯಕ.

ಹೊಸದಿಲ್ಲಿ: ಕಳೆದ ವರ್ಷ ಇಂಗ್ಲೆಂಡ್‌ ಪ್ರವಾಸದವರೆಗೂ ವೆಸ್ಟ್‌ ಇಂಡೀಸ್‌ ತಂಡವನ್ನು ಮುನ್ನಡೆಸಿದ್ದ ಸ್ಟಾರ್‌ ಆಲ್‌ರೌಂಡರ್‌ ಜೇಸನ್‌ ಹೋಲ್ಡರ್‌ ಅವರನ್ನು ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಮಂಡಳಿ, ಇದೇ ವರ್ಷ ಮಾರ್ಚ್‌ನಲ್ಲಿ ನಡೆದ ಬಾಂಗ್ಲಾದೇಶ ವಿರುದ್ಧದ ಸರಣಿಗೂ ಮುನ್ನ ನಾಯಕತ್ವದಿಂದ ಕೈಬಿಟ್ಟಿತ್ತು.

ನೂತನ ನಾಯಕ ಕ್ರೇಗ್‌ ಬ್ರಾತ್‌ವೇಟ್‌ ಸಾರಥ್ಯದಲ್ಲಿ ಬಾಂಗ್ಲಾ ನೆಲದಲ್ಲಿ ಅದ್ಭುತ ಆಟವಾಡಿದ್ದ ವೆಸ್ಟ್‌ ಇಂಡೀಸ್‌ ತಂಡ ಟೆಸ್ಟ್‌ ಸರಣಿ ಗೆದ್ದು ಮಿಂಚಿತ್ತು. ಈ ಬಗ್ಗೆ ಇದೀಗ ಮೌನ ಮುರಿದಿರುವ ಹೋಲ್ಡರ್‌, ನಾಯಕತ್ವ ಕಿತ್ತುಕೊಳ್ಳುವ ವಿಚಾರದಲ್ಲಿ ವಿಂಡೀಸ್‌ ಕ್ರಿಕೆಟ್‌ ಮಂಡಳಿ ನಡೆದುಕೊಂಡ ರೀತಿ ಬಗ್ಗೆ ಅಸಮಾಧಾನ ಹೊರಹಾಕಿದ್ದಾರೆ.

ವೆಸ್ಟ್‌ ಇಂಡೀಸ್‌ ತಂಡವನ್ನು ಒಟ್ಟು 33 ಟೆಸ್ಟ್‌ ಪಂದ್ಯಗಳಲ್ಲಿ ಮುನ್ನಡೆಸಿರುವ ಜೇಸನ್ ಹೋಲ್ಡರ್‌ ಒಟ್ಟು 11 ಗೆಲುವು ತಂದುಕೊಟ್ಟಿದ್ದಾರೆ. ಈ ಮೂಲಕ ವಿಂಡೀಸ್‌ ತಂಡದ ಶ್ರೇಷ್ಠ ನಾಯಕರ ಸಾಲಿನಲ್ಲಿ ಜಂಟಿ ಮೂರನೇ ಸ್ಥಾನ ಪಡೆದುಕೊಂಡಿದ್ದಾರೆ.

ನಾಯಕತ್ವದ ಜೊತೆಗೆ ಆಲ್‌ರೌಂಡ್‌ ಆಟವನ್ನೂ ಅದ್ಭುತವಾಗಿ ನಿಭಾಯಿಸಿದ್ದ ಹೋಲ್ಡರ್‌, ಕೆಳ ಕ್ರಮಾಂಕದಲ್ಲಿ ರನ್‌ ಗಳಿಸುವುದರ ಜೊತೆಗೆ ಬೌಲಿಂಗ್‌ನಲ್ಲೂ ಮಿಂಚಿದ್ದರಯ. ವಿಂಡೀಸ್‌ ಪಡೆ ವಿದೇಶದಲ್ಲಿ ಮರಳಿ ಟೆಸ್ಟ್‌ ಗೆಲುವು ದಾಖಲಿಸಲು ಆರಂಭಿಸಿದ್ದು 29 ವರ್ಷದ ಹೋಲ್ಡರ್‌ ಅವರ ಸಾರಥ್ಯದಲ್ಲಿ ಎಂಬುದು ವಿಶೇಷ.

ಸಾರ್ವಕಾಲಿಕ ಶ್ರೇಷ್ಠ ಇಂಡೊ-ಪಾಕ್ ಟಿ20 ತಂಡ ಕಟ್ಟಿ ಧೋನಿಗೆ ನಾಯಕತ್ವ ಕೊಟ್ಟ ಅರಾಫತ್!

ಹೀಗಾಗಿ ಸಹಜವಾಗಿಯೇ ಟೆಸ್ಟ್‌ ತಂಡದ ನಾಯಕತ್ವದಲ್ಲಿ ಮುಂದುವರಿಯುವ ನಿರೀಕ್ಷೆಯಲ್ಲಿದ್ದ ಹೋಲ್ಡರ್‌ಗೆ ಆಘಾತ ಎದುರಾಗಿತ್ತು. ನಾಯಕತ್ವ ಕಳೆದುಕೊಂಡ ಬಳಿಕ ತಮಗೆ ಎದುರಾದ ಮಾನಸಿಕ ತಳಮಳದ ಕುರಿತಾಗಿ ಇದೀಗ ಮುಕ್ತವಾಗಿ ಹೇಳಿಕೊಂಡಿದ್ದಾರೆ.

“ನನಗೆ ಆಘಾತದ ರೀತಿ ಎದುರಾದ ಸುದ್ದಿಯದು. ಅದನ್ನು ಅರಗಿಸಿಕೊಳ್ಳಲು ಬಹಳಾ ಕಷ್ಟವಾಯ್ತು. ಇದನ್ನು ನಾನು ಎಲ್ಲಿಯೂ ತೋರಿಸಿಕೊಳ್ಳಲಿಲ್ಲ. ಆದರೆ ನನಗೆ ಬಹಳಾ ಕಷ್ಟವಾಗಿದ್ದಂತೂ ನಿಜ,” ಎಂದು ವಿಶ್ವದ ನಂ.1 ಟೆಸ್ಟ್‌ ಆಲ್‌ರೌಂಡರ್‌ ಹೋಲ್ಡರ್ ಕೊನೆಗೂ ಮೌನ ಮುರಿದಿದ್ದಾರೆ. ವೆಸ್ಟ್‌ ಇಂಡೀಸ್‌ ತಂಡ ಶೀಘ್ರವೇ ಪ್ರವಾಸಿ ದಕ್ಷಿಣ ಆಫ್ರಿಕಾ ಎದುರು 2 ಪಂದ್ಯಗಳ ಟೆಸ್ಟ್‌ ಕ್ರಿಕೆಟ್‌ ಸರಣಿ ಆಡುವುದಿದೆ.

ಯುಎಇನಲ್ಲಿ ಐಪಿಎಲ್, ಪಂಜಾಬ್‌ಗೆ ಈ 5 ಸ್ಟಾರ್‌ಗಳ ಸೇವೆ ಕಳೆದುಕೊಳ್ಳುವ ಆತಂಕ!

ಹೋಲ್ಡರ್‌ ನಾಯಕತ್ವ ಕಳೆದುಕೊಂಡ ಬಳಿಕ ಅನುಭವಿ ಬ್ಯಾಟ್ಸ್‌ಮನ್‌ ಕ್ರೇಗ್‌ ಬ್ರಾತ್‌ವೇಟ್‌ಗೆ ಜವಾಬ್ದಾರಿ ಸಿಕ್ಕಿದೆ. ಇದರ ಸಂಪೂರ್ಣ ಲಾಭ ಪಡೆದ ಬ್ರಾತ್‌ವೇಟ್‌ ಬಾಂಗ್ಲಾದೇಶ ತಂಡಕ್ಕೆ ಅವರದ್ದೇ ಅಂಗಣದಲ್ಲಿ ಸೋಲುಣಿ ನಾಯಕತ್ವ ಭದ್ರ ಪಡಿಸಿಕೊಂಡಿದ್ದಾರೆ. ಕೋವಿಡ್-19 ಕಾರಣ ವಿಂಡೀಸ್‌ ತಂಡದ ಈ ಬಾಂಗ್ಲಾ ಪ್ರವಾಸಕ್ಕೆ ಪ್ರಮುಖ ಆಟಗಾರರು ಲಭ್ಯವಾಗದೇ ಇದ್ದರೂ, ಯುವ ಪ್ರತಿಭೆಗಳನ್ನು ಅದ್ಭುತವಾಗಿ ಮುನ್ನಡೆಸಿದ್ದ ಬ್ರಾತ್‌ವೇಟ್‌ ತಂಡಕ್ಕೆ ಸ್ಮರಣೀಯ ಜಯ ತಂದುಕೊಟ್ಟಿದ್ದರು.



Source link

Leave a Reply

Your email address will not be published.