ಹೈಲೈಟ್ಸ್‌:

  • ಡ್ಯಾಚಿಂಗ್ ಓಪನರ್‌ ಖ್ಯಾತಿಯ ವೀರೇಂದ್ರ ಸೆಹ್ವಾಗ್‌ ಅವರ ಮುಕ್ತ ಮಾತುಗಳು.
  • ಫುಟ್‌ವರ್ಕ್‌ ಇಲ್ಲದೇ ಬ್ಯಾಟ್‌ ಬೀಸಿ ಎದುರಾಳಿಗಳನ್ನು ನಡುಗಿಸಿದ್ದ ಬಲಗೈ ಬ್ಯಾಟ್ಸ್‌ಮನ್.
  • ತಂತ್ರಗಾರಿಕೆ ಸುಧಾರಿಸಲು ನೆರವಾದ ಮೂವರು ದಿಗ್ಗರನ್ನು ಸ್ಮರಿಸಿದ ವೀರೂ.

ಬೆಂಗಳೂರು: ಕೈ ಮತ್ತು ಕಂಗಳ ನಡುವಣ ಅಮೋಘ ಹೊಂದಾಣಿಕೆ ಮೂಲಕ ಫುಟ್‌ವರ್ಕ್‌ ಇಲ್ಲದೇ ಚೆಂಡನ್ನು ಬೌಂಡರಿ ಗೆರೆ ದಾಟಿಸುವ ಕಲೆ ಕರಗತ ಮಾಡಿಕೊಂಡಿದ್ದ ಭಾರತ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ವೀರೇಂದ್ರ ಸೆಹ್ವಾಗ್‌, ಇದೀಗ ತಮ್ಮ ತಂತ್ರಗಾರಿಕೆ ಸುಧಾರಿಸಲು ನೆರವಾದ ಮೂವರು ದಿಗ್ಗಜ ಆಟಗಾರರು ಯಾರೆಂದು ಬಹಿರಂಗ ಪಡಿಸಿದ್ದಾರೆ.

ಟೆಸ್ಟ್‌ ಕ್ರಿಕೆಟ್‌ ವೃತ್ತಿಬದುಕಿನಲ್ಲಿ ಬಹುತೇಕ ಸಮಯ 50ಕ್ಕೂ ಹೆಚ್ಚು ಸರಾಸರಿ ಕಾಯ್ದುಕೊಂಡಿದ್ದ ಸೆಹ್ವಾಗ್‌, ಎದುರಾಳಿ ಬೌಲರ್‌ಗಳ ಮನದಲ್ಲಿ ಭಯ ಹುಟ್ಟಿಸಿದ್ದಂತಹ ಅಪ್ರತಿಮ ಬ್ಯಾಟ್ಸ್‌ಮನ್‌. ಇದಕ್ಕೆ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಅವರು ಬಾರಿಸಿರುವ ಎರಡು ದ್ವಿಶತಕಗಳೇ ಸಾಕ್ಷಿ. ಕ್ರಿಕೆಟ್‌ನ ಮಾದರಿ ಯಾವುದೇ ಆಗಿರಲಿ ಹೊಡಿಬಡಿ ಆಟವೊಂದೇ ಸೆಹ್ವಾಗ್‌ ಸೂತ್ರವಾಗಿತ್ತು.

ಇತ್ತೀಚೆಗೆ ಕ್ರಿಕೆಟ್‌ ಸಂಬಂಧಿತ ಆನ್‌ಲೈನ್ ತರಬೇತಿ ಮೊಬೈಲ್‌ ಅಪ್ಲಿಕೇಷನ್‌ ಬಿಡಿಗಡೆ ಮಾಡಿದ ಸೆಹ್ವಾಗ್‌, ಈ ಸಂದರ್ಭದಲ್ಲಿ ಮಾತಿಗಿಳಿದು ತಮ್ಮ ಬ್ಯಾಟಿಂಗ್‌ನಲ್ಲಿ ಇದ್ದ ಕೆಲ ತಾಂತ್ರಿಕ ದೋಷಗಳನ್ನು ಸುಧಾರಿಸಿಕೊಳ್ಳಲು ನೆರವಾದ ದಿಗ್ಗಜರನ್ನು ಸ್ಮರಿಸಿದ್ದಾರೆ. ಅಂದಹಾಗೆ ಆರಂಭದಲ್ಲಿ ಫುಟ್‌ವರ್ಕ್‌ ಇಲ್ಲ ಎಂದು ಟೀಕಿಸಿದ್ದವರೇ ಹೆಚ್ಚು. ಆದರೆ ಯಾರೊಬ್ಬರೂ ಅದನ್ನು ಸುಧಾರಿಸಿಕೊಳ್ಳುವುದು ಹೇಗೆ ಎಂದು ಹೇಳಿಕೊಟ್ಟಿರಲಿಲ್ಲ ಎಂದಿದ್ದಾರೆ.

WTC ಫೈನಲ್‌ಗೆ ಭಾರತ ತಂಡದ ಆರಂಭಿಕರನ್ನು ಆಯ್ಕೆ ಮಾಡಿದ ಯುವಿ!

“ನನ್ನ ಫುಟ್‌ವರ್ಕ್‌ ಸುಧಾರಿಸಿಕೊಳ್ಳಬೇಕು ಎಂದು ಎಲ್ಲರೂ ಹೇಳುತ್ತಿದ್ದರು. ಆದರೆ ಹೇಗೆ ಸುಧಾರಿಸಿಕೊಳ್ಳುವುದು? ಇದಕ್ಕೆ ಯಾರ ಬಳಿಯೂ ಉತ್ತರ ಇರಲಿಲ್ಲ,” ಎಂದು ಮುಲ್ತಾನ್‌ನಲ್ಲಿ ಪಾಕಿಸ್ತಾನದ ಎದುರು ತ್ರಿಶತಕ ಬಾರಿಸಿ ಇತಿಹಾಸ ಬರೆದ ಬಲಗೈ ಬ್ಯಾಟ್ಸ್‌ಮನ್‌ ಹೇಳಿಕೊಂಡಿದ್ದಾರೆ.

ಆದರೆ, ತಮ್ಮ ಬ್ಯಾಟಿಂಗ್‌ ತಂತ್ರಗಾರಿಕೆ ಸುಧಾರಿಸಲು ಮಾಜಿ ನಾಯಕರಾದ ಮನ್ಸೂರ್‌ ಅಲಿ ಖಾನ್ ಪಟೌಡಿ, ಸುನಿಲ್‌ ಗವಾಸ್ಕರ್‌ ಮತ್ತು ಕೃಷ್ಣಾಮಚಾರಿ ಶ್ರೀಕಾಂತ್‌ ಕಾರಣ ಎಂದು ಹೇಳಿಕೊಂಡಿದ್ದಾರೆ.

“ಬಳಿಕ ಮನ್ಸೂರ್ ಅಲಿ ಖಾನ್ ಪಟೌಡಿ, ಸುನಿಲ್ ಗವಾಸ್ಕರ್‌ ಮತ್ತು ಕೃಷ್ಣಾಮಚಾರಿ ಶ್ರೀಕಾಂತ್‌ ನನಗೆ ಅಗತ್ಯದ ಸಲಹೆ ನೀಡಿದರು. ಲೆಗ್‌ ಸ್ಟಂಪ್‌ ಬದಲಿಗೆ ಮಿಡ್ಲ್‌ ಸ್ಟಂಪ್‌ನಲ್ಲಿ ನಿಂತು ಬ್ಯಾಟ್‌ ಮಾಡುವಂತೆ ಹೇಳಿದರು. ಇದನ್ನು ನನ್ನ ಬ್ಯಾಟಿಂಗ್‌ನಲ್ಲಿ ಅಳವಡಿಸಿಕೊಂಡ ಬಳಿಕ ದೊಡ್ಡ ಲಾಭವೇ ನನಗೆ ಸಿಗಲಾರಂಭಿಸಿತು,” ಎಂದಿದ್ದಾರೆ.

ಸಾರ್ವಕಾಲಿಕ ಶ್ರೇಷ್ಠ ಇಂಡೊ-ಪಾಕ್ ಟಿ20 ತಂಡ ಕಟ್ಟಿ ಧೋನಿಗೆ ನಾಯಕತ್ವ ಕೊಟ್ಟ ಅರಾಫತ್!

ಈ ನಡುವೆ ಮಾಸ್ಟರ್‌ ಬ್ಲಾಸ್ಟರ್‌ ಸಚಿನ್‌ ತೆಂಡೂಲ್ಕರ್‌ ಅವರ ಆಟವನ್ನು ನೋಡುತ್ತಲೇ ಸ್ಟ್ರೈಟ್‌ ಡ್ರೈವ್‌ ಆಡುವುದನ್ನು ಕಲಿತುಕೊಂಡಿದ್ದಾಗಿ ವೀರೂ ಹೇಳಿಕೊಂಡಿದ್ದಾರೆ. 1992ರ ವಿಶ್ವಕಪ್‌ ಟೂರ್ನಿಯಿಂದಲೂ ಸಚಿನ್‌ ಅವರ ಬ್ಯಾಟಿಂಗ್‌ ವೀಕ್ಷಿಸಿರುವುದಾಗಿ ಹೇಳಿದ್ದಾರೆ.

“ಕ್ರಿಕೆಟ್‌ ಆಡುವಾಗ ಮೈದಾನದಲ್ಲಿ ಇದ್ದು ಕಲಿಯುವುದು ಬಹಳಷ್ಟಿದೆ. ನನ್ನ ಉದಾಹರಣೆ ತೆಗೆದುಕೊಳ್ಳಿ. ನಾನು 1992ರಿಂದ ಸಚಿನ್ ಅವರ ಆಟವನ್ನು ವೀಕ್ಷಿಸಿದ್ದೇನೆ. ಅವರನ್ನೇ ಅನುಕರಿಸಿದ್ದೇನೆ. ಅವರು ಸ್ಟ್ರೈಟ್‌ ಡ್ರೈವ್‌ ಹೇಗೆ ಆಡುತ್ತಾರೆ, ಬ್ಯಾಕ್‌ಫುಟ್‌ ಪಂಚ್ ಹೇಗೆ ಆಡುತ್ತಾರೆ ಎಲ್ಲವನ್ನೂ ನೋಡಿ ನಾನು ಕಲಿತುಕೊಂಡಿದ್ದೇನೆ. ಟಿವಿಯಲ್ಲಿ ಅವರ ಆಟ ನೋಡಿ ಕಲಿತದ್ದೇ ಹೆಚ್ಚು,” ಎಂದಿದ್ದಾರೆ.

ಭಾರತ ತಂಡದ ಪರ 104 ಟೆಸ್ಟ್‌ ಪಂದ್ಯಗಳನ್ನು ಆಡಿರುವ ಸೆಹ್ವಾಗ್‌, 49.34ರ ಸರಾಸರಿಯಲ್ಲಿ 8586 ರನ್‌ಗಳನ್ನು ಬಾರಿಸಿದ್ದಾರೆ. ಇದರಲ್ಲಿ 23 ಶತಕ ಮತ್ತು 32 ಅರ್ಧಶತಕಗಳು ಸೇರಿವೆ. 319 ರನ್‌ ಅವರ ವೈಯಕ್ತಿಕ ಶ್ರೇಷ್ಠ ಸ್ಕೋರ್‌ ಆಗಿದೆ. ಒಡಿಐನಲ್ಲೂ ಅಬ್ಬರಿಸಿದ್ದ ವೀರೂ, 251 ಪಂದ್ಯಗಳಲ್ಲಿ 8273 ರನ್‌ಗಳನ್ನು ಬಾರಿಸಿದ್ದಾರೆ. ಇದರಲ್ಲಿ 15 ಶರಕಗಳು ಮತ್ತು 38 ಅರ್ಧಶತಕಗಳಿವೆ.



Source link

Leave a Reply

Your email address will not be published.