ಹೈಲೈಟ್ಸ್‌:

  • ಡ್ರೋನ್ ಮೂಲಕ ಔಷಧ ಸಾಗಿಸುವ ದೇಶದ ಪ್ರಥಮ ಪ್ರಯೋಗ
  • ಜೂನ್ 18 ರಿಂದ 30-45 ದಿನಗಳವರೆಗೆ ನಡೆಯಲಿರುವ ಪರೀಕ್ಷೆ
  • ಬೆಂಗಳೂರಿನ ಟಿಎಎಸ್ ಸಂಸ್ಥೆ ನೇತೃತ್ವದಲ್ಲಿ ವಿಭಿನ್ನ ಪ್ರಯತ್ನ
  • ಟಿಎಎಸ್‌ಗೆ ನಾರಾಯಣ ಆರೋಗ್ಯ ಸಂಸ್ಥೆಯ ಸಹಭಾಗಿತ್ವ

ಬೆಂಗಳೂರು: ಡ್ರೋನ್‌ಗಳ ಮೂಲಕ ಔಷಧಗಳನ್ನು ಸಾಗಿಸುವ ಕನಸು ನನಸಾಗುವ ದಿನಗಳು ಸಮೀಪಿಸಿದೆ. ಭಾರತದ ಮೊದಲ ಅಧಿಕೃತ ದೃಷ್ಟಿಯಿಂದ ಗೋಚರಿಸುವ ರೇಖೆಯಾಚೆಗೆ (ಬಿವಿಎಲ್‌ಒಎಸ್) ವೈದ್ಯಕೀಯ ಡ್ರೋನ್ ಡೆಲಿವರಿ ಪ್ರಯೋಗವು ಇದೇ ವಾರ ಗೌರಿಬಿದನೂರಿನಲ್ಲಿ ಆರಂಭವಾಗಲಿದೆ.

ಬೆಂಗಳೂರಿನ ಥ್ರೋಟಲ್ ಏರೋಸ್ಪೇಸ್ ಸಿಸ್ಟಮ್ (ಟಿಎಎಸ್), ಈ ವಿತರಣೆ ಪ್ರಯೋಗಕ್ಕೆ ಮಾರ್ಚ್ 2020ರಂದು ನಾಗರಿಕ ವಿಮಾನಯಾನ ನಿರ್ದೇಶನಾಲಯದಿಂದ (ಡಿಜಿಸಿಎ) ಅನುಮತಿ ಪಡೆದುಕೊಂಡಿತ್ತು. ಇತರೆ ಸಂಸ್ಥೆಗಳಿಂದ ಮತ್ತಷ್ಟು ಅನುಮತಿಗಳು ಬೇಕಿದ್ದರಿಂದ ಸಾಂಕ್ರಾಮಿಕದ ವೇಳೆ ವಿಳಂಬವಾಗಿತ್ತು.

ಈಗ ಎಲ್ಲ ಅನುಮೋದನೆಗಳೂ ದೊರಕಿದ್ದು, ಸಂಸ್ಥೆಯು ಜೂನ್ 18ರಿಂದ ಮುಂದಿನ 30-45 ದಿನಗಳವರೆಗೆ ಮೊದಲ ಹಂತದ ಪ್ರಯೋಗ ನಡೆಸಲಿದೆ. ಸಂಸ್ಥೆಯು ನಾರಾಯಣ ಆರೋಗ್ಯ ಆಸ್ಪತ್ರೆಯೊಂದಿಗೆ ಸಹಯೋಗ ಹೊಂದಿದ್ದು, ಪ್ರಯೋಗದ ವೇಳೆ ಔಷಧಗಳ ಪೂರೈಕೆಗೆ ಡ್ರೋನ್‌ಗಳನ್ನು ಬಳಸಲಾಗುತ್ತದೆ.

‘ಬಿವಿಎಲ್‌ಒಎಸ್ ಪ್ರಯೋಗಕ್ಕೆ ಇನ್ನೂ ಎರಡು ಒಕ್ಕೂಟಗಳು ಅನುಮತಿ ಪಡೆದಿವೆ. ಆದರೆ ನಮ್ಮದು ಮೊದಲ ಕಾನೂನುಬದ್ಧ/ಅಧಿಕೃತ ವೈದ್ಯಕೀಯ ಡ್ರೋನ್ ಡೆಲಿವರಿ ಪ್ರಯೋಗವಾಗಲಿದೆ. ನಾವು 2016ರಿಂದಲೂ ಸಾಕಷ್ಟು ಹಾದಿ ಸಾಗಿ ಬಂದಿದ್ದೇವೆ ಮತ್ತು ಈಗ ಅತ್ಯಂತ ಮಹತ್ವದ ಹಂತದಲ್ಲಿದ್ದೇವೆ. ದೀರ್ಘಕಾಲ ಕಾದ ಬಳಿಕ ಬಿಇಎಂಸಿ ಸಮಿತಿಯಿಂದ ಅಧಿಕೃತ ಅನುಮೋದನೆ ದೊರಕಿದೆ. ಭಾರತದಲ್ಲಿ ವಾಣಿಜ್ಯ ಡ್ರೋನ್ ಡೆಲಿವರಿ ವ್ಯವಸ್ಥೆಗೆ ಎದುರು ನೋಡುತ್ತಿದ್ದೇವೆ’ ಎಂದು ಟಿಎಎಸ್‌ನ ಸಿಇಒ ನಾಗೇಂದ್ರನ್ ಕಂದಸಾಮಿ ತಿಳಿಸಿದ್ದಾರೆ.

ಎರಡು ವಿಭಿನ್ನ ಡ್ರೋನ್‌ಗಳ ಬಳಕೆ

ಟಿಎಎಸ್ ಜತೆಗೆ ಈ ಒಕ್ಕೂಟದಲ್ಲಿ ವೃತ್ತಿಪರ ಡ್ರೋನ್ ಅಪ್ಲಿಕೇಷನ್‌ಗಳಿಗೆ ವೈಮಾನಿಕ ಸಂಚಾರ ಜಾಗೃತಿ ನೀಡುವ ಇನ್ವೋಲಿ-ಸ್ವಿಸ್ ಮತ್ತು ಸುರಕ್ಷಿತಾ ಪರಿಣತ ಹನಿವೆಲ್ ಏರೋಸ್ಪೇಸ್ ಸಂಸ್ಥೆಗಳಿವೆ. ಔಷಧ ಸಾಗಣೆ ಪ್ರಯೋಗಕ್ಕೆ ಮೆಡ್‌ಕಾಪ್ಟರ್ ಮತ್ತು ಟಿಎಎಸ್‌ನ ರಾಂಡಿಂಟ್ ಎಂಬ ಎರಡು ವಿಭಿನ್ನ ಡ್ರೋನ್‌ಗಳನ್ನು ಬಳಸಲಾಗುತ್ತದೆ.
ಅನಧಿಕೃತ ಡ್ರೋನ್ ಬಳಕೆದಾರರೇ ಎಚ್ಚರಿಕೆ: ನಿಯಮ ಉಲ್ಲಂಘಿಸಿದರೆ ಬೀಳಲಿದೆ ದಂಡ!
‘ಸಣ್ಣ ಸಾಮರ್ಥ್ಯದ ಮೆಡ್‌ಕಾಪ್ಟರ್ 15 ಕಿಮೀ ದೂರದವರೆಗೆ 1 ಕೆಜಿ ತೂಕವನ್ನು ಸಾಗಿಸಬಲ್ಲದು. ಇನ್ನೊಂದು 12 ಕಿಮೀ ದೂರವರೆಗೆ 2 ಕೆಜಿ ಸಾಗಿಸಬಲ್ಲದು. 30-45 ದಿನಗಳವರೆಗೆ ಈ ಎರಡೂ ಡ್ರೋನ್‌ಗಳ ವ್ಯಾಪ್ತಿ ಮತ್ತು ಸುರಕ್ಷತೆಯನ್ನು ಪರೀಕ್ಷಿಸುತ್ತೇವೆ. ಡಿಜಿಸಿಎ ಪ್ರಕಾರ ನಾವು ಕನಿಷ್ಠ 100 ಗಂಟೆಗಳ ಕಾಲ ಹಾರಾಟ ನಡೆಸಬೇಕಿದೆ. ನಾವು 125 ಗಂಟೆಗಳವರೆಗೆ ಹಾರಾಟ ನಡೆಸುವ ಗುರಿ ಹೊಂದಿದ್ದೇವೆ. ಇದರ ವಿವರಗಳನ್ನು ಪರಾಮರ್ಶಿಸಲಾಗುವುದು ಮತ್ತು ಪ್ರಯೋಗದ ಅಂತ್ಯದಲ್ಲಿ ಅಧಿಕಾರಿಗಳಿಗೆ ಸಲ್ಲಿಸಲಾಗುವುದು’ ಎಂದು ಕಂದಸಾಮಿ ತಿಳಿಸಿದ್ದಾರೆ.

ವಿಳಾಸ ಗೊತ್ತಾಗುವುದಿಲ್ಲ

ಯಾವ ಬಗೆಯ ಲಸಿಕೆಗಳನ್ನು ಡ್ರೋನ್ ಬಳಸಿ ಸಾಗಾಟ ಮಾಡಬಹುದು, ಯಾವ ರೀತಿಯ ಸವಾಲುಗಳು ಎದುರಾಗಬಹುದು ಮತ್ತು ಇದನ್ನು ಭವಿಷ್ಯದಲ್ಲಿ ದೈನಂದಿನ ಚಟುವಟಿಕೆಗಳಲ್ಲಿ ಬಳಸಬಹುದೇ ಎಂಬುದನ್ನು ಅರಿಯಲು ನಾರಾಯಣ ಆರೋಗ್ಯದ ಪಾಲುದಾರಿಕೆ ಹೊಂದಲಾಗಿದೆ ಎಂದು ಹೇಳಿದ್ದಾರೆ.

ನಾರಾಯಣದಲ್ಲಿ ಇರಿಸಲಾಗುವ ಬೇಡಿಕೆಯನ್ನು ನಮ್ಮ ಸಾಫ್ಟ್‌ವೇರ್ ಸ್ವೀಕರಿಸಲಿದೆ. ಯಾರಿಗೆ ಔಷಧ ಬೇಕು ಎನ್ನುವುದು ಯಾರೊಬ್ಬರಿಗೂ ತಿಳಿಯುವುದಿಲ್ಲ. ಆದರೆ ಮುಂಚೆಯೇ ದಾಖಲಿಸಲಾದ ವಿಳಾಸಕ್ಕೆ ಡೆಲಿವರಿ ಆಗುತ್ತದೆ ಎಂದು ಅವರು ವಿವರಿಸಿದ್ದಾರೆ.



Source link

Leave a Reply

Your email address will not be published.